![](https://www.otamotz.eus/site/files/2024/02/img_0707.jpg)
Emakume zientzialariak dira aurten ere Elhuyarren egutegiko protagonistak. Horien artean, Uxue Fernandez Lasa urretxuarra dago. Gainera, Ordiziako saltoki batzuetako erakusleihoetan egutegiko emakume horiei buruzko informazioa jarri dute. Fernandezen argazkia eta informazioa Urdaneta kaleko 24 zenbakiko Irurena mertzerian jarri dituzte.
Fernandez Jarduera Fisikoaren eta Kirolaren Zientziatako ikertzailea da. EHUn irakasle, genero-ikerketak eta ekitate zein justizia sozialaren gaineko ikerlanak garatzen ditu jarduera fisikoaren eta kirolaren zientzien eremuan. Bereziki, talde minorizatuak ekarri nahi ditu erdigunera, arlo horien gizarte eraldaketarako gaitasuna baliatuta.