Luis Albisua, Juan Mari Gabilondo, Manuel Iraola, Santi Usabiaga eta Jose Antonio Udaberi urrezko intsignia eman die, 40 urte daramatzatelako federatuta
Ostadarreko omenduak, Jonmikel Intsausti Ostadarreko kidearekin, Euskal Mendizale Federazioko Zigor Egiarekin, Gipuzkoako Mendizale Federazioko Koldo Sansinenearekin, Gorka Iturriaga Eusko Jaurlaritzako Jarduera Fisikoaren eta Kirolaren zuzendariarekin, Andu Martinez de Rituerto Tolosako alkatearekin eta Alberto Iñurrategi alpinistarekin. Argazkia: Iñigo Lete. 2024an, mende bat beteko du Euskal Mendizale Federazioak. 1924ko maiatzaren 18an jaio zen, Elgetan, Federación Vasconavarra de Alpinismo izenarekin. Urteurren hori ospatzeko ekitaldi programa zabalaren barruan, EMFk ez ditu ahaztu nahi izan bere ibilbidearen zati handi batean leial izan zaizkion pertsona guztiak. Hala, urrezko intsignia eman die federatuta 40 urte daramatenei. Gaur egun federatuta dauden 40.425 pertsonatatik 500 pertsonak soilik dute konpromiso hori. Urrezko intsiginiak atzo banatu ziren Tolosako Leidor aretoan eta omenduen artean Ostadar mendi taldeko bost kide izan ziren: Luis Albisua, Juan Mari Gabilondo, Manuel Iraola, Santi Usabiaga eta Jose Antonio Udabe.
Ostadarreko bost omenduak, Legazpiko Izadi Zaleak elkarteko omenduekin eta Koke Lasa ormaiztegiarrarekin. Goran: Juan Mari Gabilondo, Batis Maiz, Santi Usabiaga, Gorka Olaizola (Jesus Olaizola aita zenaren izenean), Manuel Iraola, Luis Albisua eta Iñigo Lete (Ostadarreko zuzendaritzakoa). Erdian: Itziar Urkia, Jose Luis Rubio eta Jose Antonio Udabe. Behean: Martxel Mendinueta, Koke Lasa, Juan Carlos Agirre eta Kepa Urmeneta. Argazkia: Jonmikel Intsausti.
Horra hor Gema Lasak grabatutako bideoa.
