Beitia martxako antolaketa taldeko hiru kidek ETB1eko Biba zuek! programan parte hartuko dute bihar (osteguna). Nerea Gabirondo, Jesus Marri Garralda eta Jonmikel Intsaustik mendi martxari buruz hitz egingo dute Maddalen Arzallus eta Xabier Sukiarekin. Biba zuek! saioa 18:00etan hasiko da.
Beitia martxa igande honetan egingo dute. Mendizaleak 07:00etan abiatuko dira Areizaga-Kalebarenetik. Aurtengo ibilbideak 29 kilometroko luzera eta 1.500 metroko desnibela ditu. Izen emateak 10 euro balio du. Bi herrietako kiroldegietan eta Ostadar elkartearen egoitzan egin daiteke. Baita beitia.org webgunean. Egunean bertan ere izena eman ahal izango da, 12 euroren truke. Egunean bertan izena emateko asmoa dutenei zenbateko zehatza eramateko eskatu diete.
