ZUbertsotan bertso eskolaren kateari jarraipena emanez, hona Isuok jarritako 'Bidaia Otamotzen zehar: herriko aktualitatea hamabost koplatan' sorta.
- Egilea: Isuo
- Gaia: Bidaia Otamotzen zehar: herriko aktualitatea hamabost koplatan
- Doinua: Ostatuko neskatxaren koplak
Kontseiluak dakar xantza:
farmakoekin zalantza,
kontuz mesedez nahastu gabe
Ertzaintza ta erizaintzaZumarragako pertsona nagusien kontseiluak hiru hitzaldi antolatu ditu udaberri honetarakoMuseoaren Eguna,
azalpen-sorta astuna:
Atapuercako zuzendarien
harrera ohoredunaHerritarrak Atapuercako zuzendariarekinTeklista subiranoa
trebea eta sanoa
Gaston gazteak Zarauzko zaharrei
joko die organoaOier Gaston organista zumarragarrak Zarautzen joko duNahiz aurrez gozatzen laga
Zarauztarrei ostikada
palako final zortzirenetan
sendo dabil ZumarragaZumarragak 2 eta 1 irabazi du herriarteko pala txapelketaren joanekoanBideetan arriskuak
eta udaltzain prestuak
azalduz zirkulazioaren
oinarrizko kontzeptuakUrretxuko udaltzaingoak bide heziketa landuko du haurrekinGonbidapen txit haizua
herriari luzatua
plan orokorrak xedatuko du
hiri antolamenduaZumarragako EH Bilduk Hiri Antolamenduko Plan Orokorraren tailerretan parte hartzera animatu ditu herritarrakPodiumean haurrak alai
arroz bikaina dastagai
Eitzak urtero ditu jaietan
pozteko mila osagaiEitzako jaiak, argazkitanJose Antonio Calvo
aurkari denak zerraldo
Gipuzkoan bezala EAEn
al da txapeldun izango?Jose Antonio Calvo urretxuarrak Gipuzkoako toka txapelketa irabazi duBaietz izan oparoa
Beitia Martxaren geroa:
antolatzaile talde berriak
hartu du erreleboa1.000 lagun inguru batu dira Iñaki Beitia Mendi MartxanBetiko istorioa
hau bai dela serioa:
24 orduz irekita
noizko anbulatorioa?24/7 plataformak manifestazioa egingo du larunbateanKlubean laguntza frango
doi zuelako emango
Urolako ohorezko bazkide
da Leandro AlejandroLeandro Alejandro Urolaren ohorezko bazkide izendatu duteArgialdien zalea
txalotutako alea
irakurle taldean izan da
Miriam Luki idazleaMiriam Luki idazle urretxuarra, liburu lanketa taldekoekinHau da hainbaten ustea:
faltan dauka estalpea.
Udalak jadanik ireki du
Gurutze auzoko parkeaUrretxuko Udalak Gurutzeko parkea ireki duZigiluen gabezia,
tabako eta whiskia:
nora darama txapelokerrak
horrelako gutizia?Guardia Zibilak 355 tabako pakete eta 19 botila whiski konfiskatu ditu Zumarragako establezimendu bateanKarramarroak errekan
gereziondoak loretan
Aitor eta Flux nagusi aurten
Eitzako mus txapelketanFlux eta Aitorrek irabazi dute Eitzako mus txapelketa
