Aukeren Azoka egiten ari dira gaur Zumarragako azokako baserritarren gunean. Ekitaldia Bi-Tartean merkatari elkarteak antolatu du. Azoka goizean ireki dute eta 20:00etan itxiko dute.
Azokan Alex Kirolak, Aspace, Bidegorri, Itxura estilistak, Josune janaridenda, Kotoi, Kuttun, Kux-Kux, Marai&NKN, Mentxu y Yone, Naif Concept Store, Opticalia, Otxaran, Stylo Gorane Dominguez eta Titare mertzeria parte hartzen ari dira. Gainera, Amane, Arku, ATA, Baby, Bidegorri, Doss, Ezpeleta, Urdangarin burdindegia, Inaxio, Intersport Loramendi, Julen poltsoak, Julita mertzeria, AM mertzeria, Natalietta, Oskarbi, Otxaran, Santa Cruz margoak, Quo edertasuna eta Urbek beraien produktuak denda aurrera atera dituzte. Postu eta denda horietako produktuak oso prezio onean erosi ahal dira.
Gainera, hainbat ekitaldi izango dira. Goizean, haurrek ikastaroetan parte hartzeko eta adinekoekin jolasteko aukera izan dute. Eta Aspacekoek saskigintza ikastaroa eman dute. 17:00etatik aurrera food-truck-ak izango dira eta 18:00etan herri kirol saioa. 17:00etatik 20:00etara erosketak egiten dituztenen artean food-truck-eko produktuengatik trukatzeko tiketak emango dizkiete. Horretaz guztiaz gain, 300 euroko erosketa bale bat eta 100 euroko hiru erosketa bale zozkatuko dituzte erosleen artean.
