![](https://www.otamotz.eus/site/files/2024/08/whatsapp-image-2024-01-29-at-19-12-19.jpeg)
Alex Diaz txirrindulari urretxuarra profesional mailan arituko da datorren urtean, Caja Rural taldearekin. Diaz Caja Ruralen bigarren taldean aritu da eta denboraldi bikaina egin du. Sei garaipen lortu ditu. Horien artean, Nafarroako eta Avilako itzuliak. Aurtengoak amateur mailan lortu dituen lehen garaipenak izan dira. Diazekin, hiru dira profesional mailan arituko diren Urretxu eta Zumarragako txirrindulariak. Beste biak Euskaltel-Euskadi taldeko Xabier Isasa eta Nicolas Alustiza dira.