![](https://www.otamotz.eus/site/files/2024/09/image001.jpg)
Igandean, 12:30ean, Gorka Hermosa akordeoilariak eta Oreka TX taldeak Gor(e)ka TX kontzertua eskainiko dute Urretxuko Labeaga aretoan. Euskal musika munduko musika ezberdinekin eta musika garaikidearekin uztartuko dute. Inprobisazioak ere leku garrantzitsua izango du. Sarrera librea izango da, aforoa bete arte.
Bai Hermosak eta bai Oreka TX taldeak beraien instrumentuekin espero ez ziren bideak egin dituzte. Oreka TXek sonoritate berriak bilatu dizkio txalapartari eta Hermosak musika mota guztiak jo ditu akordeoiarekin. Akordeoilariak mundu osoko musikariek interpretatzen duten errepertorioa sortu du.
Igande eguerdian Urretxun egingo duten kontzertuan, Hermosak eta Oreka TXek konposatutako kantak eta kanta tradizionaletatik abiatuta moldatuak joko dituzte.