Gizarte arloan lan egiten duten elkarteen azoka egiten ari dira Zumarragako plazan, baserritarren gunean. Arratsaldean 17:00etatik 20:00etara izango dira bertan. Herritarrei udalerriko elkarteen lana bertatik bertara ezagutzeko aukera emango zaie. Gainera, arratsaldean elkarteek hainbat jarduera egingo dituzte Azokara hurbiltzen diren haurrentzat. Eta herriko kultur elkarte batzuk azoka girotuko dute: Irrintzi dantza taldeak, Urretxuko Iratzarri dultzainero taldeak, Zubertsotan bertso eskolak eta antzerki taldeak.
Azokan Agifes, Arnasa, Asebier, Aspace, Aspargi, Asviamie, Atzegi, Begisare, Bihotzez, Bizi Bide, Caritas, Zaintzaile Elkartea, Minbiziaren Aurkako Elkartea, Esku Hutsik, Odol Emaileak, Gautena, Gaztedi, Itxaropen Telefonoa, Gizalde, Gurutze Gorria, Katxalin, Mari, Nagusilan, ONCE eta Pausoka elkarteak parte hartzen ari dira.
