Urretxu eta Zumarragako Udalek Erreka Eguna antolatu dute hilaren 28rako (datorren asteko larunbata). Parte hartzaileak 10:30ean elkartuko dira Areizaga-Kalebarren plazan. Materiala banatu ondoren, erreka garbitzeari ekingo diote. Jokoak eta esperimentuak ere izango dira, naturan adituak diren bi hezitzaileren eskutik. Lana amaitutakoak, 12:30ak aldera, hamaiketakoa egingo dute.
Parte hartzeko asmoa dutenek, izena eman behar dute: ingurugiro.ur@urretxu.eus helbidera idatzita edo 943 03 80 82 zenbakira deituta. NAN zenbakia eman behar da (beharrezkoa da asegurua egiteko). Izena emateko azken eguna hilaren 25a (asteazkena) da.
Jarduerarako arropa aproposa eraman behar da eta 12 urtetik beherakoek heldu batekin joan behar dute.
