Igandean buzkantza eguna ospatuko dute Zumarragako plazan. 11:00etatik 14:00etara artisau azoka egingo dute eta bertaratuek buzkantzak dastatzeko eta erosteko aukera izango dute. 11:30ean buzkantzarekin egindako pintxo lehiaketako sariak banatuko dituzte. 12:30ean herri kirol saioa hasiko da. Ordu berean, haurrek gau beltzaren inguruko eskulan saioa egingo dute.
Herri kirol saioan pentatloia egingo dute: Xabat Olaizola eta Beñat Telleria nor baino nor arituko dira. Olaizola bigarren postuan sailkatu da aurtengo txapelketan eta Telleria hirugarren.
