Azaroaren 9an Irrintzi eguna ospatuko da. 11:00etan haurrentzako dantza ikastaroa eskainiko dute. 12:00etan larrain dantza erraldoia egingo dute Areizaga Kalebarren plazan. Ondoren, hamaiketakoa izango da bertan eta jarraian trikipoteoa Urretxu eta Zumarragako kaleetan. 14:30ean Zelai Arizti parkeko karpan bazkalduko dute, Divinus katerinaren eskutik. Bazkalostean bingoa egongo da. 17:30ean Ustekabe txarangarekin kalejira egingo dute eta 20:00etan Laket Erromeriak Zumarragako Euskadi plazan joko du. Eguna amaitzeko, 22:00etatik gauerdira Dj Ikaztegietarekin dantzatuko dute.
Bazkariko tiketak gaur (astelehena) jarriko dira salgai, Urretxuko Buhame tabernan. Azaroaren 4ra arte egongo dira salgai. Helduentzako menuak 30 euro balio du: krabarroka pudina mahonesarekin, paella, oilasko errea entsaladarekin eta ijito-besoa natarekin. Haurren menuak (12 urtera arte) 18 euro balio du: pasta tomatearekin, oilasko errea patatekin eta natillak.
