Urretxu eta Zumarragan ere uholdeak kaltetutako valentziarrei laguntzeko bilketa antolatu dute. Bilketa gaur (astelehena) eta bihar (asteartea) egingo dute, 15:00etatik 19:00etara, Urretxuko Labeaga 5eko lokalean (Kutxaren ondoan). Furgonetak ere behar dituzte, jasotako guztia Valentziara eramateko. Horra hor behar den guztia: musukoak, eskularru gogorrak, toallatxo hezeak, pixoihalak (haurrenak eta helduenak), konpresak, tanpoiak, komuneko papera, garbiketa produktuak, palak, erratzak, kuboak, linternak, pilak, zabor poltsak, zirak, botak, neguko arropa, galtzerdiak, mantak, lo egiteko zakuak, jaio berrientzako esnea (prestatuta, ez baitute argindarrik) eta umeentzako poteko janaria.
