Igande arratsaldean The Resonanz Children’s Choir Indonesiako haur abesbatzak Urretxuko Udazkeneko Musika Zikloan abestu zuen. Abesbatza horrek Tolosako lehiaketa ospetsuan parte hartu du eta haurren saria irabazi du. Kontzertuaren ondoren, Txirimiri elkartean afaldu zuten. Urtero Tolosako lehiaketan parte hartu duen abesbatza batek Urretxun abesten du eta abesbatza horrek Txirimiri elkartean afaltzen du. Indonesiako neskek, esker onez, kanta pare bat abestu zituzten afalostean. Horietako bat Ama begira zazu kanta izan zen.
