Urola EK RSA kadete mailako eskubaloi taldeak Gipuzkoako liga irabazi du eta Euskal Ligara igotzeko jokatuko du asteburu honetan. Lau taldeko bi multzo egin dituzte eta multzo horietako bateko taldeek Zumarragako Ispilla kiroldegian jokatuko dute. Horra hor Zumarragan arituko diren lau taldeak: Mek Eibar Eskubaloia A (Euskal Ligako zazpigarren sailkatua), Urola EK RSA (Gipuzkoako txapelduna), Muskiz Eskubaloia (Bizkaiko bigarren sailkatua) eta Urkunde Elgoibar (Gipuzkoako hirugarrena). Multzo bakoitzeko lehen hirurak Euskal Ligan arituko dira, denboraldia amaitu arte. Euskal Ligako onenek Estatuko txapelketa jokatuko dute.
Horra hor Ispillan jokatuko diren partidak:
- Ostiralean 18:00etan: Urkunde Elgoibar-Muskiz Eskubaloia
- Ostiralean 20:00etan: Urola EK RSA-Mek Eibar Eskubaloia A
- Larunbatean 10:00etan: Urkunde Elgoibar-Mek Eibar Eskubaloia A
- Larunbatean 12:00etan: Muskiz Eskubaloia-Urola EK RSA
- Igandean 09:30ean: Mek Eibar Eskubaloia A-Muskiz Eskubaloia
- Igandean 11:15ean: Urola EK RSA-Urkunde Elgoibar
Urolak Urretxu eta Zumarragako zale guztiak Ispillara joan eta herriko mutilak animatzera deitu ditu.
