Urola EK RSA kadete mailako mutilen eskubaloi taldeak Gipuzkoako liga irabazi du eta Euskal Ligara igotzeko jokatu du asteburu honetan Zumarragako Ispilla kiroldegian. Helburua lortu dute. Ostiralean Mek Eibar Eskubaloia A (Euskal Ligako zazpigarren sailkatua) taldeari irabazi zioten, atzo (larunbata) Muskiz Eskubaloiaren (Bizkaiko bigarren sailkatua) aurka galdu zuten eta gaur (igandea) Urkunde Elgoibarri (Gipuzkoako hirugarrena) irabazi diote. Lehen postuan Muskiz sailkatu da, bigarrenean Urola, hirugarrenean Elgoibar eta laugarrenean Eibar. Lehen hirurak Euskal Ligan arituko dira, denboraldia amaitu arte. Euskal Ligako onenek Estatuko txapelketa jokatuko dute.
