Goierri txirrindulari eskolako txirrindulariek lan ona egin dute asteburuan. Benjamin, kimu eta haur mailako Goifiber taldeak Gipuzkoako mendiko bizikleta txapelketan parte hartu du, Oiartzunen. Jon Salaberria bigarren postuan sailkatu zen, kimu mailan. Xanet Zabaleta, Aiur Lizarralde eta Amets Kouyatek ere lasterketa ona osatu zuten. Haur mailako lasterketari dagokionez, oso gogorra izan zen ibilbidean lokatz asko zegoelako. Iker Matxinandiarena eta Mikel Baztarrika lan ona egin zuten.
Zatika-Oxykor kadete mailako taldeko txirrindulariek Zestoako proban parte hartu zuten. Aimar Ugarteburu laugarren postuan sailkatu zen. Taldeko gainontzeko kideak ere ondo aritu ziren. Gazte mailako Bellota taldeko txirrindulariek Debako proban parte hartu zuten. Horiek ere lan ona egin zuten eta etorkizunean emaitza onak lortuko dituztela iragarri zuten.
Larunbat honetan Zatika-Oxykor eta Bellota taldeko txirrindulariak Zornotzan arituko dira: lehenengoen lasterketa 10:00etan hasikoa da eta bigarrenena 15:30ean. Goifiberrekoek atseden hartuko dute, maiatzera arte.
